Ward no 5

शिवालय मन्दिर ः

             शिवालय मन्दिर आँधीखोला गाउँपालिका वडा नं. २, ५ र ६ को संगम स्थलमा अवस्थित पुलको मुखमा रहेको यो मन्दिर गाउँपालिकाको प्रमुख प्रसासकीय भवनको पछाडि करिव ३०० मिटरको दूरीमा रहेको छ । यस मन्दिरमा हिन्दू धर्मका प्रधान देवता शिवजीको मूर्ति रहेको छ । हाल प्यागोडा शैलीमा निर्माण गरिएको नव निर्मित मन्दिर भन्दा पहिलाको पुरानो मन्दिर  वि.सं. २०२९ सालमा स्थानीय समुदायको सक्रियतामा निर्माण भएको थियो । यहि मन्दिरको ठाउँमा नयाँ मन्दिर निर्माण गरिएको छ । नव निर्मित मन्दिरको छानोमा तामाका पाताले छाएको छ । चारै तर्फ घेरावार गरिएको छ । १०८ वटा पञ्चधातुका  दिया व्यवस्थापन गरिएकोे छ । विशेष गरी महाशिवरात्रीको अवसरमा भक्तजनहरुको ठूलो मेला लाग्दछ । शिवरात्रीको दिन भक्तजनहरुले धुनी बालेर अखण्ड भजन किर्तन गर्ने, शिवलिङ्गमा दूधको धार दिने सामुहिक वत्ती बाल्ने, दिनभर रुद्रीपाठ गरेर रातभरी जाग्राम वसी शिवजीको आरधाना गरिन्छ । वर्षेनी जनै पूर्णिमाको दिन यस मन्दिरमा रुद्रीपाठ गरेर जनै मन्त्रण गर्दे आएको पाइन्छ ।  साउन महिनाको प्रत्येक सोमवार साथै अन्य सोमवारीका व्रतालुले शिव लिङ्गमा दूध चढाउने प्रचलन रहदै आएको छ । मन्दिरको दर्शन गरी पूजाआजा गरेमा मनमा शान्ति हुने, रोग प्रकोप न्यूनीकरण हुने, सन्तानको आयु वढ्ने जनविश्वास गरिन्छ ।